Curriculum akademiko bati Europako Batasunean baliozkotasuna ematen dion agiria da Tituluaren Gehigarri Europarra (TGE).
Unibertsitate-tituluaren eranskin bat da, eta bertan zehazten dira landutako ikasgaiak, eman diren hizkuntzak, egin diren kredituak, eskuratutako gaitasunak, emaitza akademikoak eta graduatu, master nahiz doktoregoaren lanbide-kualifikazioa eta bere izen-abizenak, Europa osoko beste akreditazio fidagarri batzuen artean.
Zehazki, Europako Batzordeak, Europako Kontseiluak eta UNESCO/CEPES (Goi Hezkuntzarako Zentro Europarrak) egindako ereduaren arabera, informazio hau eman behar du:
- Ikaslearen datuak
- Titulazioaren informazioa
- Titulazio-mailari buruzko informazioa
- Edukiari eta lortutako emaitzei buruzko informazioa
- Titulazioaren funtzioari buruzko informazioa
- Informazio gehigarria
- Gehigarriaren ziurtagiria
- Goi-hezkuntzako sistema nazionalari buruzko informazioa
TGEk erraztu egiten du Europako unibertsitateen artean kredituak onartzea, eta aldi berean, ikasleak hartutako gaitasunak Europa osoko edozein erakundeko balizko enplegu-emaileen aurrean egiaztatzen ditu.
Titulua gaztelaniaz eta Europako Batasuneko beste hizkuntza ofizial batean jaulkitzen da. Unibertsitateak aukeratzen zein den bigarren hizkuntza hori. Ofiziala den beste hizkuntza bat duten autonomia-erkidegoetako Unibertsitateek bertako hizkuntzan ere jaulki ahal izango dute titulua.
Comparte:
Declaración de Bolonia
